～今日的行程～
5月17日：早：Manneken Pis Amsterdam -> Keukenhof 睇鬱金香 -> 午：Wilhelmina -> 下午茶：De Broodzaak -> 搭火車去比利時布魯塞爾 -> Manneken Pis 尿尿小童 -> Grand-Place 布魯塞爾大廣場 -> Galeries Royales Saint-Hubert 聖休伯特拱廊街 -> 晚：Chez Léon
今日我地會捉住鬱金香嘅尾巴，
去阿姆斯特丹近郊嘅Keukenhof 睇一年一度嘅鬱金香花展！
然後夜晚就會出發去比利時嘅布魯塞爾！
酒店樓下嘅大街，
今日嘅天氣好似都唔錯喎。
Day3我地食左呢間Manneken Pis Amsterdam覺得啲芝士條一試難忘，
今日就再翻兜！
左面個條係Meat Stick，€1.90，
右面個條係Melted Cheese Stick，€1.90。
最後一日係阿姆斯特丹就影下呢度嘅樓啦，
每棟都各有特色。
我地係Keukenhof嘅官網買左入場券＋來回巴士嘅package，
價錢係€30一個人。
荷蘭木屐、風車、鬱金香合稱為「荷蘭三寶」，
每年3月下旬至5月上旬都係鬱金香嘅花季，
我地Day4睇左木屐同風車，
今日終於就睇埋鬱金香啦！
Keukenhof今年已經係第70屆啦，
今年嘅主題係Flower Power！
呢片花海都係粉紅色＋紫色，好靚呀。
我背後呢片花海係紅色、橙色為主，
好有春天嘅感覺。
係成片粉紅色嘅花海呀，
少女心up！
行行下見到一架車播緊音樂，
原來佢係一部Street organ 街頭管風琴，
佢個名叫做The Adriaen。
The Adriaen嘅正面係咁，
好巨形好靚呀。
Keukenhof 呢度入面又係周圍都係運河，
呢個位仲有個噴泉添，係一個打卡位呀。
仲發現到呢度有啲女性背面嘅藝術裝置。
呢個pose好誘人咁呀。
呢個寫住Keukenhof 嘅屋又係必影嘅位。
除左頭先見到嘅女性背影藝術野之外，
我仲發現到遠處有呢個人騎住隻馬嘅藝術品。
影下條運河比大家睇下，
畫面右面就係餐廳啦，
我地一陣會黎呢度食lunch。
觀眾都可能發現到除左有鬱金香之外，
仲會夾雜住其他花種，
都好靚呀。
呢種淺黃色＋紅色嘅鬱金香都好特別。
比個close up大家睇下。
呢種花係咩品種呢？
行到咁上下，
我地就黎左Wilhelmina度食野，
呢間係一個food court咁嘅自助形式嘅餐廳。
我揀左支Apple、Pear & Raspberry嘅果汁，€3.50，
嘢食揀左Champignonragout pastei + krielaardappelen，€13.95，
蘑菇燉肉餡餅配薯仔。
安迪就揀左Lipton Green Ice Tea，€3.50，
嘢食揀左兩樣咁多，
左面個碟係Gehaktbal uit de jus，€4.25，
肉汁肉丸，仲有一大舊包。
右面個碟係Gepaneerde vis，€13.95，
炸魚黎架。
呢個花圃深紫＋淺粉紅嘅配搭都好有神秘感。
呢片花海又係鬱金香，
個種荷蘭嘅vibe出哂黎。
本人偏好粉紅色，
呢種唔知咩品種花係白配紅色，又係好靚。
呢條河上面有啲浮台比人行。
雖然條河唔深，
但都好驚跌落水。
條河上面有幾隻鴨仔游黎游去，
好可愛呀。
Post多張靚相比大家睇啦。
行行下仲見到鴨媽媽同鴨bb一齊行添。
頭先張gif唔夠清就睇相啦，
鴨媽媽望實鴨bb。
鬱金香睇到尾聲啦，
呢度嘅店都有得買鬱金香嘅盆栽，
唔知可唔可以帶返香港種架呢？
跟住我地就返酒店拎行李出發去比利時！
仲有小小時間就行下手信店。
買左包荷蘭木屐仔，€5.99，
拎黎做手信派街坊。
仲買左5張明信片寄比朋友，
啲相都影到好靚，
可惜係荷蘭寄唔切！
仲有啲時間就行下火車站啲鋪頭，
去左間Etos個人護理店買野，
見到德國牌子Kneipp出嘅潤唇膏包裝好靚，
就買黎試下，€5.99，
左面係雲呢拿味，右面係Candelilla花味，
個人覺得隻潤唇膏唔夠潤。
仲買左Etos自家出嘅Eyebrow Gel眉膏，€3.99，
個人覺得麻麻地，支野太流質，
都係日本牌子嘅眉膏好用好多。
話說間店係冇服務員收銀，
要用部機自助比錢。
安迪係Day3去過嘅De Broodzaak麵包舖買左Appelflap，€2，
Appelflap係荷蘭傳統嘅食物，
餡餅入面除左有蘋果，仲有提子乾同玉桂。
我地架火車會係4:47pm出發，
6:38pm到達布魯塞爾Brussels Midi/Zuid站，
即係Brussels-South railway station，法文係Bruxelles-Midi，
車程大約係2個鐘。
到左Brussels-South railway station之後，
我地就轉另一架火車去Brussels Central Station，
離開左Brussels Central Station就見到好多共享電動滑板車，
我都想租黎玩下，
綠色呢架就係Lime呢間公司嘅車。
我地呢兩晚會住係Hilton Brussels Grand Place，
遲啲會有詳細嘅blog介紹。
比利時Belgium係一個特別嘅國家，
有3種官方語言，分別係荷蘭文、法文同埋德文，
而我地去嘅Brussels布魯塞爾就係講法文架啦。
一黎到Brussels就成日聽到Bonjour!
好似去左法國咁呀。
見到另一架共享電動滑板車，
係Dott呢間公司嘅車。
我地正式出發周圍行下，
係酒店隔離就見到呢座教堂Eglise Sainte Marie-Madeleine啦。
呢棟建築物畫左《天天歷險記 The Adventures of Tintin》，
原來係比利時漫畫家Hergé創作出黎架。
終於行到黎比利時最出名嘅尿尿小童Manneken Pis，
原來真係好小呀！
只有55.5cm高，
個個遊客都停低係度影呢個鼻屎咁大粒嘅尿尿小童像。
原來呢個銅像係複製品黎架炸，1965年製造而成，
而原始個個就係1619年製成，
放左係Brussels City Museum。
呢個尿尿小童銅像間唔中係會著衫架，
佢總共有成一千件衫咁多呀，
佢啲衫會放係Brussels City Museum展覽。
呢棟建築物係Brussels Stock Exchange，
係1801年建成。
呢座建築物係2020年翻新，
將會係2023年活化成比利時啤酒博物館，
我都好想遲啲黎參觀下！
呢座係Église Saint-Nicolas de Bruxelles，
佢係1125年建成，
係第四間布魯塞爾起嘅教堂。
行到黎布魯塞爾最宏偉嘅地方Grand-Place 布魯塞爾大廣場，
Grand-Place係被稱為世界上最靚嘅廣場之一，
呢個廣場總共比39棟建築物包圍住，
係1998年被UNESCO聯合國教科文組織立入為世界遺產。
呢棟係Brussels Town Hall 布魯塞爾市政廳，
係1455年建成，
係屬於中世紀的哥德式建築。
布魯塞爾市政廳係唯一一棟Grand-Place入面嘅中世紀建築物。
係西北偏西方向有呢6棟houses，
由左至右係Le Renard、Le Cornet、La Louve、Le Sac、La Brouette、Le Roy d'Espagne，
佢地都係1641年至1697年之間興建。
係西北偏北方向有呢5棟houses，
由左至右係L'Âne、Sainte-Barbe、Le Chêne、Le Petit Renard、Le Paon、Le Heaume，
佢地都係1696年至1697年之間興建。
呢棟係Brussels City Museum 布魯塞爾城市博物館，
係1536年建成，原本係叫做King's House，
係1887年改成為Brussels City Museum。
呢棟係House of the Dukes of Brabant 布拉邦公爵館，
係1770年建成，
呢個建築群其實係有7棟houses組成架。
東北方向有呢6棟houses，
由左至右係Le Marchand d'Or、Le Pigeon、La Chaloupe d'Or、L'Ange、Joseph et Anne、Le Cerf，
佢地係1615年至1709年之間興建。
東南方向有呢5棟houses，
由左至右係Le Mont Thabor、La Rose、L'Arbre d'Or、Le Cygne、L'Étoile，
佢地都係1695年至1702年之間興建。
影返張跳起yeah先！
我地之後黎到Galeries Royales Saint-Hubert 聖休伯特拱廊街。
Galeries Royales Saint-Hubert入面真係好靚，
佢係1847年建成，
由3個長拱廊組合一齊，
呢度有好幾間出名嘅比利時朱古力店，
買手信一流！
夜晚我地就黎左呢間人氣餐廳Chez Léon，
食比利時必食嘅Mussel青口！
門口已經有條長龍啦。
地址：Rue des Bouchers 18, Brussels 1000 Belgium
間店有兩層，
我地安排坐左上層。
安迪等食嘅樣。
我就飲左邊個杯Trappist beer修道院啤酒，
係Westmalle嘅Triple，€5.95。
Day5都介紹過，早於中世紀開始 (約5世紀至15世紀)，
天主教修會Cistercians會釀造啤酒黎自給自足同埋貢獻社區，
時至而家，已經成立左The International Trappist Association, ITA聯盟，
呢個聯盟嘅修道院成員所生產的啤酒同符合準則先可以叫做Trappist beer。
之前係巴黎飲嘅Leffe啤酒，
就只係獲驗證的修道院風格啤酒，只可以叫做Abby Beer。
安迪個杯係La Léon，
呢間餐廳出嘅啤酒，
呢杯Léon係跟套餐嘅，價值€4.15。
我地叫左個套餐，€38.95，
包左呢碟Tomato filled with shrimps蕃茄蝦沙律、一款青口、薯條、同埋頭先個杯Léon啤酒。
主角青口終於到左，
係一人一兜青口至岩呀。
呢盤青口係Poulette (white wine, cream, mushrooms, chives)，€26.85，
用左白酒、忌廉、蘑菇同蔥黎煮。
呢盤青口係Roquefort (cream, white wine, bacon, celery, onions)，
用左忌廉、白酒、煙肉、西芹、洋蔥黎煮，
價值€27.85，呢盤貴啲所以揀左佢黎跟套餐。
好豐富嘅晚餐，
我地唔客氣啦。
我身後嘅牆上有得掛褸。
有個兜比你裝青口殼，
滿左會有職員幫你清走架。
食完會送一粒糖比你食。
今餐總共食左€71.50，
好滿足呀。
食到飽飽我地又行黎Galeries Royales Saint-Hubert，
原來夜晚會著燈，好靚呀。
我地係比利時高級朱古力牌子Neuhaus買左啲朱古力，
呢個朱古力牌子係1857年成立，
原來佢第一間鋪頭就係Galeries Royales Saint-Hubert開架啦。
地址：Galerie de la Reine 29, Brussels 1000 Belgium
由左至右，上至下介紹，
Milk Chocolate Crème Brulée，焦糖燉蛋味朱古力，€5.0，
Carré Origin Napolitains，入面有4款朱古力，總共有40塊，€16.5，
朱古力脆片，€14，
Milk Chocolate covered Nougatines thins Pistachio，入面有11塊，€8.0
BonBon On the Go，有10粒，€11，買左兩條唔同味。
總共係€65.5，退稅退到€2。
Carré Origin Napolitains入面係咁嘅樣架。
旅遊日期：2019年5月11日- 2019年5月20日
=========================
=========================
| 覺得呢篇blog幫到你， 記得like Facebook Page: https://www.facebook.com/fatbjai.travel/ follow Instagram: fatbjai.travel https://www.instagram.com/fatbjai.travel/ YouTube: 曳豬到爆炸 收到個blog的最新update！ |
=========================
《西歐四國遊》
0 comments