～今日的行程～
3月3日： 香港機場 -> The Qantas Hong Kong Lounge -> The Pier 玉衡堂 -> 悉尼機場 -> 早餐：The Font Cafe -> One Central Park -> Market City -> Happy Hour：Henry Deane -> The Rocks (影Harbour Bridge 同 Opera House) -> 晚：Pancakes On The Rocks
繼《墨爾本玩》之後事隔5個月，
我地又去澳洲啦！
今次我地會去悉尼同埋開恩茲！
提提大家去澳洲係要電子簽證架，
持有香港特區護照可以申請電子簽證ETA，去呢個網申請，價錢係AUD$20。
持有BNO英國國民(海外)護照唔可以自己係網上申請ETA架，只可以透過香港旅行代理或航空公司代辦ETA申請。
而ETA的有效期係一年，一年內可以多次進出澳洲！
我地最後係一年內去左兩次澳洲旅行，
去左《墨爾本玩》同埋今次《去澳洲玩》，
今次會搭澳洲航空(Qantas)去悉尼，
我地會搭Business Class商務艙呀，好興奮！
張機票係用Asia Miles換架，
想知我地當時嘅OneWorld機票兌換心得，可以睇呢個post。
原本諗住早d check in，
點知櫃檯未開，
於是就影返張相先。
終於Check in左拎boarding pass啦。
入左禁區之後，
我地就去左The Qantas Hong Kong Lounge，
佢的位置係5號閘口樓上。
呢個lounge好光鮮開揚呀。
首先入黎就見到好多吉位啦，
正呀。
行前少少係吧台，
可以係度order d cocktail架。
再行入少少有更多的座位比人坐，
又係人數唔多。
呢邊係自助拎野食的位置。
呢度有d紅白酒飲。
望住停機坪一路hea下一路食野都幾正。
甜品。
Qantas Lounge最出名莫過於叉燒飯啦，
果然係唔錯呀。
一人飲左一杯酒仲未夠，
黎吧枱叫多杯先。
我叫左Mojito。
個底橙橙地色好特別呀。
呢個Qantas Lounge空間好大，
人唔多，好好坐。
呢個lounge有printer好方便呀，
而且有AirPrint功能，
可以connect去Apple的產品去print野，
唔記得print旅行文件可以係度print啦。
之後我地就去左個國泰lounge - The Pier 玉衡堂，
佢的位置係65號閘口附近。
The Pier人流比Qantas lounge多。
The Pier分左幾個部分，
呢度係「嚐味坊」，
有中西菜拎。
呢度係吧枱。
The Pier都可以睇到停機坪。
呢度係「風味坊」，
可以order即叫即煮的擔擔麵、雲吞麵、喇沙等等。
呢度係「茗茶坊」。
除左茶之外，仲有d小食拎架。
一陣要搭9個半鐘機，
我地打算係度沖個涼先至上機。
國泰的business lounge的浴室最正係用Aesop的產品！
雲石洗手台＋金色的水龍頭的design好grand呀。
左手面有Resurrection Aromatique Hand Balm護手霜、
Resurrection Aromatique Hand Wash洗手液。
右手面有Fabulous Face Cleanser 潔面乳、
Bitter Orange Astringent Toner 爽膚水、
Mandarin Facial Hydrating Cream 保濕乳霜。
另外仲有即棄的牙刷套裝、化妝棉、浴帽、衛生袋、紙杯，
梳洗用品一應俱全。
呢度係用Philips的負離子風筒ThermoProtect Ionic 2200W。
馬桶的位置。
呢度係淋浴的位置，都係用Aesop的產品，
呢度有Classic Conditioner 潤髮乳、
Classic Shampoo 洗髮水、
Geranium Leaf Body Cleanser淋浴露。
沖完涼就緊係繼續食野，
我地係「風味坊」order左必食嘅擔擔麵。
麵味好杰撻撻、好濃味、好正。
係「嚐味坊」拎左燒賣、滷水牛展。
唔少得試埋「茗茶坊」嘅茶啦。
好大壺茶呀，
佢地係用Jing的茶葉架。
拎埋個果撻黎食。
飲飽食醉之後，我地就準備上機啦。
我地今次係60號閘口登機，
搭6:25pm機。
我地上機啦，
Qantas的business class真係好闊落呀。
我最鐘意係佢窗邊有3大格拎黎放野，
你知女仔帶好多野上機架啦。
伸長隻腳都掂唔到前面。
可以調教個座位，
仲有按摩功能添。
呢架機的機種係Airbus A380-800，
傳說中的A380?!
好大本menu呀，
個封面好度假feel添。
有晚餐同埋早餐食。
仲有drink list。
我地叫左杯果汁飲下先。
有過夜包同埋睡衣&睡褲添，
好多人食完晚餐都會換Qantas的睡衣睡褲訓教架。
呢個係女裝的過夜包，
入面有眼罩、牙膏牙刷、耳塞、襪(質地普通，係飛機著完就想掉啦)、澳洲SPA牌子ASPAR出的旅行裝護手霜、面霜&潤唇膏。
男裝過夜包同女裝差唔多，
唔同嘅係ASPAR的旅行裝護手霜、面霜&潤唇膏會係男士裝。
飛機起身之後派左呢包悉尼牌子Santos的Almonds and Pretzels，
我好鍾意食Pretzels鹹鹹的蝴蝶脆餅，
正呀。
男友示範一下躺平訓覺。
可以伸直隻腳睇片真係好正呀，
好似係屋企張梳化咁。
不過張床腳係凌空無野支撐住，
好擔心我用力過度會將佢整爛，
所以都訓得唔夠舒服。
我當時睇緊The Grand Budapest Hotel (2014)，
原本中文字幕得簡體揀，點知入到去睇d字幕其實係繁體字黎，
真係估佢唔到。
左上個碟係頭盤：香草麻油豉汁水煮雞肉沙律伴黃芽白、車厘茄及青瓜
原來人人都有一盤沙律&餐包，
原來人人都有一盤沙律&餐包，
早知頭盤就唔揀沙律，叫菠菜湯啦。
男友的頭盤：檸檬法式酸忌廉青豆菠菜湯。
男友的主菜：金針菇芥蘭烤鴨雲吞香湯。
我的主菜：意式扭紋粉伴烤南瓜、菠菜、腰果、酸豆及香草牛油淋汁。
男友的甜品：焦糖香蕉薄餅配椰香忌廉、烤芝麻及椰絲。
我的甜品就係Movenpick雪糕，
我仲叫左杯Baileys飲添。
另外每人都有粒來自法國的Valrhona朱古力。
我仲叫左杯Baileys飲添。
另外每人都有粒來自法國的Valrhona朱古力。
食完晚餐，
空姐就幫手開床啦，
去埋廁所我地就訓啦。
訓醒就食早餐啦，
男友的早餐：法式牛油包夾焦糖洋蔥醬、煙肉及雞蛋。
我的早餐：朱古力曲奇碎鬆餅。
窗出面開始日出啦。
臨落機空姐會派發一張卡比你過海關用Express Path。
天光啦終於。
7:00am到達悉尼機場啦，
呢度有d duty free的商店。
過關前有呢d SmartGates的自助機，
只需要插入護照、回答小量問題，
佢就會出張飛仔比你，
然後用張飛仔去閘門度拍，然後影相，
就可以去拎行李啦。
成個過關的速度加快左。
但原來Qantas派個張Express Path，
係可以連呢個步驟都慳返。
右二個條隊就係for Express Path card holders架啦。
我地搭uber出發去酒店先啦，
沿途見到呢間郵局好靚呀，
其實而家已經改建成酒店啦，
間酒店叫Adina Apartment Hotel Sydney Central。
見到我地住個間酒店 - Mercure Sydney。
由於當時只係8:30am，
有排都未夠鐘有房，
我地放底行李之後就周圍行下啦，
估唔到悉尼市區的街道都會見到咁大隻鶴。
佢地食垃圾食得好純熟。
我地上Zomato (澳洲的Openrice) 搵下有咩早餐食，
就搵到呢間The Font Cafe啦。
地址：2/8 Central Park Avenue, Chippendale, Sydney
雖然我地搭Business Class有得平訓，
但係都訓得唔係好夠，
仲幾攰下。
男友叫左杯Red Velvet，AUD$7，
味道似朱古力。
我就叫左杯奶昔，
材料有Mixed berries, banana, apple juice, honey, yogurt，AUD$8，
似嘔吐味，麻麻地。
我地叫左個最打卡嘅西多士French Toast，AUS$20，
西多士上面插左個雪糕桶，
頂頂仲有塊拔絲添，
西多士周圍放左d生果&燕麥片。
個西多士好勁肉桂味，但就唔夠脆。
男友叫左Boom Shaka Laksa，AUD$20，
呢個係素叻沙黎架，
d蝦都係素蝦黎，口感比魚蛋更彈牙。
食完早餐我地繼續周圍行下，
見到呢棟One Central Park好靚，
外面種左好多綠色植物。
呢塊地前身係啤酒廠，
2009年被新加坡發展商買左塊地，
然後One Central Park係2013年建成。
之後我地就行左去Market City啦。
地址：9-13 Hay Street Haymarket NSW 2000
入面主要係賣衫，有種去左東南亞商場的感覺，
呢個商場都係亞洲人購物的集中地。
Photo from https://www.sydney.com/destinations/sydney/sydney-city/chinatown-and-haymarket/attractions/paddys-markets-haymarket
而Market City的地庫係Paddy's Markets，
有d似女人街，都係攤檔形式，好多手信賣。
1845年建成的Christ Church St Laurence，
仲影到Central Railway Station的鐘樓係後面添。
於是買左4件冬甩返酒店食啦!!
係酒店補左一陣眠，
我地就搭巴士出去Happy Hour啦。
我地黎到呢間Henry Deane飲下野，
佢係位於Hotel Palisade的頂層。
地址：35 Bettington St, Millers Point NSW 2000, Australia
呢個bar可以望到Sydney Harbour Bridge架。
我地好好彩坐到戶外位，
佔有利位置影相！
真係靚到dum一聲。
我地個靚位，坐係度都可以影到Sydney Harbour Bridge添。
我叫左呢杯Your Own Risk，AUD$20。
男友叫左Chardy Party，AUD$20。
Grilled squid on a spike, anchovy salsa verde, queen olive，AUD$23。
呢碟係魷魚，
啲醃料好好味呀。
開始日落啦。
Camouflauged tuna, pickled watermelon, chilli，AUD$23。
呢碟係切到一塊塊嘅吞拿魚同埋切到一塊塊嘅西瓜，
佢地兩個都係紅色，
好似樣呀，
估唔到吞拿魚同西瓜都好夾，
好好味呀！
Black leather jacket roll, avocado and yuzu kushu，AUD$15，
呢個係個包夾住舊魚，勁好食！
呢度係勁大風，但見到咁靚嘅景都值得！
以上的價錢要額外加10%服務費，
總共食左AUD$112.62。
每次旅行睇到日落都好開心！
Hotel Palisade的門口，
Henry Deane就係位於佢的頂層啦。
d大廈都開始著燈啦。
之後我地就行到黎The Rocks 岩石區，
呢度有好多酒吧，仲可以睇到Sydney Harbour Bridge添，
所以吸引到好多遊客黎。
呢度d樹都掛左燈飾，
有種聖誕的感覺。
呢個係一個士兵的雕塑。
我地行到黎Campbells Cove，
呢度係The Rocks 的打卡area。
可以睇到最出名的悉尼地標 - Sydney Opera House 悉尼歌劇院！
由丹麥建築大師Jorn Utzon設計，
係1973年建成，
仲係2007年比聯合國教科文組織評做世界文化遺產。
緊係要打下卡啦。
呢度遊客唔多，
都唔洗排隊霸靚位影相。
行前少少就見到Sydney Harbour Bridge 悉尼港灣大橋，
係1932年就開通啦，
係世界上最高的鋼鐵拱橋。
之後我地就去左深受遊客歡迎的Pancakes On The Rocks。
地址：22 Playfair Street, The Rocks, Sydney 2000
叫左smoothie 同埋iced tea。
Devil's Delight，
個底係朱古力pancake，上面有cream、朱古力雪糕、朱古力醬、士多啤梨。
Chicken Caesar Salad，
去旅行要記得食返d菜，
所以叫左碟沙律。
Thai Chicken Crepes，
係鹹味法式薄餅，
入面包住沙嗲味的雞胸，面頭有芽菜＋脆乾薑。
食完晚飯，
我地就返酒店啦，
下次再有機會黎悉尼，要再黎The Rocks慢慢行下！
臨返到酒店見到Central Railway Station的夜景都好靚。
旅遊日期：2019年3月3日- 2019年3月10日
=========================
=========================
| 覺得呢篇blog幫到你， 記得like Facebook Page: https://www.facebook.com/fatbjai.travel/ follow Instagram: fatbjai.travel https://www.instagram.com/fatbjai.travel/ YouTube: 曳豬到爆炸 收到個blog的最新update！ |
=========================
0 comments