去台北歎之 Day4 (松山文創園區,誠品生活松菸,美麗華摩天輪,Bigtom)

By 曳豬到爆炸 - 5月 09, 2018

係台北最後一日行程
酒店Check Out ->西門町買手信->台北車站寄行李->
國父紀念館站(松山文創園區、誠品生活松菸)->劍南路站(美麗華摩天輪)->
台北車站拎行李搭機場巴士->桃園機場->香港機場
－－－－－－－－－－－－－－－－－－－－－－－－－－－－－－－－－－
12點係酒店check out，之後就行去西門町的港記酥皇店買手信。
同網上面睇到的comment一樣，店員見你係香港人會同你講廣東話架，突然多左份親切感。

1.港記酥皇店
係港記買左3樣野，由於D手信已經食哂啦，又無影到相，所以D網都係係官網度搵的。

翡翠綠豆糕10個裝 NT＄290。
我去港記主要目的就係買綠豆糕！係凍食的，好好食，入口即溶！
夏天拎綠豆糕出街好易變壞，要盡快放入雪櫃呀！

御品秦皇酥10個裝 NT＄320。外層好似鳳梨酥咁，但餡就係綠茶同埋麻糬，幾好食煙煙韌韌咁。

原汁豬肉乾250g NT$300。OK啦，唔係特別好食。

2.台北車站自動存物箱
之後就去台北車站搵locker放行李，因為我地一陣都會周圍去，帶住行李係超級唔方便！而且我地最後都會番黎台北車站搭機場巴士去桃園機場，所以行李放係台北車站係最好的選擇！
其實台北車站地下一樓沿途都有好多自動存物箱／置物櫃。

上面係台北車站地下一樓的平面圖。我已經唔記得左個陣放左係邊個位啦，只係記得我放個個位係比其他位多locker的。

網上搵的圖，D自動存物箱大概係咁的樣。
我放行李個度有3種size的locker，我地揀左中型size的locker，入面都夠放2個喼加2-3袋hand carry 。價錢係NT＄50／3小時，我地放6個鐘，總共NT＄100。總括黎講，將行李放係度都幾方便，而且唔貴。

3.國父紀念館站
我地放左行李之後就搭捷運去國父紀念館站，係出口5出，去松山文創園區。

松山文創園區係一個充滿藝術感的地方，個度有幾個展覽館，但好多都要入場費，所以我地都無入去參觀。
松山文創園區隔離就係誠品生活松菸店，誠品生活松菸店其實係一個shopping mall，入面仿如入左一個藝術館的商場。

誠品生活松菸店的門口。可能我地唔係文青，我地入去簡單咁行左個圈就走左了。

離開誠品之後，我地經過國父紀念館，行去中山公園食Bigtom。

國父紀念館

我地無去台北101，但原來係中山公園都可以影到台北101。

係中山公園可以見到興建中的台北大巨蛋。

終於黎到Bigtom美國冰淇淋文化館啦！Bigtom係台灣有好多分店，呢間叫翠湖店。
其他分店請睇https://www.facebook.com/Bigtom.us/notes

雙球脆片冰淇淋NT＄198。個度有好多雪糕口味揀，我地揀左cookies同cherry味。幾好味，D雪糕幾實，唔似普通的雪糕入面包含好多空氣。 2015-1-8下午2 48 37

咖哩雞焗烤飯NT＄210。除左雪糕，原來呢度都有飽肚的野食，好好食，D芝士味好濃，啖啖都食到芝士，一D都唔會慳料！
總共食左NT＄408。

4.美麗華摩天輪
食飽之後我地就坐捷運到劍南路站，係出口3出，摩天輪就係美麗華的本館的5樓露台。
摩天輪優待票NT＄120，而全票就NT$150，我地出示左香港學生證都買到優待票，慳左NT＄30！另外仲每人送左張哈根大師買外賣新地減NT$50的coupon，可惜我地唔想食野就無買到哈根大師食。
2015-1-8下午5 31 13

當時都無乜人排隊坐摩天輪，透明底的摩天輪就要排一陣，普通的摩天輪就即刻有得坐啦。
我地又唔趕時間而且排隊的人唔多就揀左透明底。