2015年的年頭去左台北，2015年的6月又去左台灣嘆左4日3夜 (13/6-16/6)，
今次去左台中、台北同宜蘭。
(當時港紙兌台幣大約係1兌4)

旅遊日期：2015年6月13日至6月16日
以下係呢4日3夜的行程，大家都不妨參考下：
Day1: 香港機場->桃園機場->台中->酒店check in->逢甲夜市
Day2: 第二市場->太陽街買手信->宮原眼科->台北車站->酒店check in->忠孝敦化站dinner
Day3: 礁溪->宜蘭->台北車站
Day4: 永康街->西門町->台北車站->桃園機場->香港機場




今次搭長榮航空 Eva Air去台北，長榮比中華航空多好多乘客，好長條隊登機，等左好耐先上到機，相反上次搭中華航空好快就上到機。除此之外，上機之後，有兩位乘客遲遲未上機，等埋個兩位乘客，最後班機Delay左起馬9個字(45分鐘)。令原本買唔到早機，好想盡快到台灣的我地更失望:'(
 
飛機餐黎講，長榮真係幾好食，比中華航空好食好多！
機上娛樂黎講，長榮同中華差唔多，中華航空仲會多左個手制黎control同打機。

－－－－－－－－－－－－－－－－－－－－－－－－－－－－－－－－－－－－－－

今次係Terminal 2落機，ATM、買電話卡同搭機場巴士的位置都分隔得好遠，由於要趕機場巴士，搞到我地要係機場拖住個行李喼走黎走去。上面個張係桃園機場Terminal 2的平面圖，藍色框係我禁台幣的ATM，綠色係買電話卡的位，黃色係搭機場巴士的位。
電話卡都係買番上次黎台灣買的大哥大，NT$300包左5日3G無限上網＋$50通話。
原本諗住搭統聯客運1623號車由機場去台中，可惜去到售票處，架車已經開左，下一架要等好耐，我地見到隔離飛狗巴士5503號都係去台中，而且好快就開，我地就立即買飛上車啦，車價為NT＄240。由6:20pm搭左大概1個鐘零9個字(105分鐘)，終於到左台中州廳站，當時已經係9點05分，比預計遲左一個鐘先到台中。

－－－－－－－－－－－－－－－－－－－－－－－－－－－－－－－－－－－－

落車後太口渴，立即去7仔買野飲。NT$35，第二件6折，兩支總共NT$56。
味道無乜特別。


經過中山路的洪瑞珍，立即買D洪瑞珍，買左3隻口味試下。
原味三明治NT$23
芝士三明治NT$26
草莓三明治NT$26
洪瑞珍三明治d醬好特別，甜甜的，好好味，個種好食的感覺好難形容，以前都未食過味道咁特別的三文治，難怪咁受港人歡迎，但香港實在是賣得太貴，而且新鮮先至最好食，所以我絕對唔會係香港買黎食！我覺得原味最好食，其次係芝士，草莓可以唔洗再買。
PS：台灣有好多間唔同公司的洪瑞珍 所以每間的三文治其實都係唔同的 但百事可樂同可口可樂都係差唔多味架姐 所以每間洪瑞珍都係差唔多味

－－－－－－－－－－－－－－－－－－－－－－－－－－－－－－－－－－－－－－
晚上9點半，終於到飯店Check in，下一篇我會詳細介紹一下間飯店。
休息一陣，我地就收拾行裝，搭車去逢甲夜市啦。我地去左立體停車場(雙十路)度等25或者35號巴士。大家記得留意D巴士經過，然後大動作地揮手，唔係的話巴士就會好快咁飛過站，我地就係咁眼白白見到架巴士走左。已經唔記得自己搭左邊架巴士，只記得搭左NT$7，坐左30-45分鐘先到逢甲夜市。
 

官芝霖大腸包小腸，每件NT$35。
上次黎台灣係士林夜市食過，今次再試下逢甲的。士林個間like左facebook page都要NT$50，逢甲呢間只係$35！但係我覺得士林的官芝霖大腸包小腸好食D！
 
爆漿雞腿捲，NT$40。
幾好食，大家可以一試。

86碳烤雞排。一直播住某飲食節目推介呢間店，所以試下係咪真係咁好食！


花枝丸，NT$30。無乜特別，香港食到的花枝丸更好食。

鮮嫩香雞排，NT$55。麻麻地，豪大大好食好多！
 超獨特果汁傳奇。呢間都同頭先個間一樣不斷播住飲食節目的採訪。

木瓜牛奶，NT$50。呢間好多果汁選擇，但我揀左招牌的木瓜牛奶！好飲到不得了，係我咁耐以黎飲過最好飲的木瓜奶(雖然我唔係成日買木瓜奶黎飲)，但係佢真係好飲到我停唔到口，好想再飲多杯！呢杯野本身已經比其他野飲店的大杯，好抵飲，而且仲要咁好飲！
佢D木瓜好足料，所以係好濃的木瓜味！更上佢用碎冰，唔會飲到底得番D冰，而且每啖都好冰涼！
總括黎講，大家黎逢甲夜市係必飲呢間的木瓜奶！店主沖一杯要好耐，但係值得去等的！
 
懶惰蝦，NT$50。好多條，但係食幾條已經唔係好想再食。
 
金牌巨無霸 香酥臭豆腐，NT＄60。
台灣成日都見到臭豆腐，所以買黎試下啦。台灣D臭豆腐同香港好唔同，首先唔夠臭，其次有芫茜，第三有個盒放得靚靚仔仔。我覺得點都係香港的臭豆腐好食好多。
其實逢甲夜市無乜野食，反而好多野賣！賣衫呀，化妝品呀，隱形眼鏡呀咁，我都買左D野，遲D再寫篇blog分享下買左D乜野啦。

－－－－－－－－－－－－－－－－－－－－－－－－－－－－－－－－－－－－－－－
走個陣都接近1點，所以我地就搭的士番飯店啦，搭左NT$250。
到站個陣司機無散紙找，男朋友就落車去左Matsusei松青超市買野唱散紙。

純萃。喝 重乳拿鐵，NT$30。
上次黎台灣都有買純萃。喝，味道都OK ge!
第一日的行程完啦～


***************************************************************************

覺得呢篇blog幫到你，記得like Facebook Page  https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！

***************************************************************************

其他文章：
大家可以係menu bar度揀《去台灣嘆》的其他文章
去台灣嘆 之 Day1 (長榮航空,桃園機場去台中,逢甲夜市)
去台灣嘆 之 Day2 (宮原眼科,第二市場,太陽餅街,台中去台北,蘋果工房)
去台灣嘆 之 Day3 (宜蘭,礁溪,溫泉魚,Afternoon Tea)
去台灣嘆 之 Day4 (永康街,西門町,度小月,府城,天天利)
去台灣嘆 之 台中住宿篇 (理想與現實,Airbnb中伏)
去台灣嘆 之 台北住宿篇 (台北車站,凱撒大飯店)
去台灣嘆 之 戰利品篇

《去台北嘆》系列
一家去台北 之 住宿篇 (西門町,愛客發時尚旅館)